MANDOKON ULANG AGOAN BORU

Lian ho siposo poso ambeng marsitadahan dohot bujing bujing di facebok..  Komunikasi via masanger torus marjanji kawin lari... 

Dung lalu tubagas ni silian ho.. Marpaboama ibana..  Satorusna marpokatima kahanggi nangkan kehe mandokon ulang agoan tu bagas ni mora...

Dung lalu tu bagas nimora....
Mangkulingma anak boru...

Assalamu alaikum wbr...
Santabi sapulu tu tua sahala ni anak niraja songoni mora, anak boru, kahanggi namadung dapot marpungu ima dipantar bagas nimora di ari saborngin on..

Dihombang ni napuran nami songon ma namarjamita taringot di anak nami si Lian  Hoo.. madung godang ginjang pamatangna namadung layak sanggup maningakat tu alam matobang namangihutkon sunnah ni nabi..

Di ari nasalpui rupa anak nami mardalan dalan ima diluat dunia maya ima mambuka buka FACEBOOK majolo tama dokonon.. isi rupa tarpaida ma jagar jagar nimora na atia oll ningkalai istilahna.. tama tupa rupa nida anak namion gadis nimora harani degesna gambar naiedit camera 360..

rupana di invite anak nami ma gadis ni mora  manjadi pertemanan satorusna ibaen halaima hata humata rupa mardomu ruas dohot buhu  ima melalui inbox masager... chating ningkai istilahna sannari.. dapot do rupa alai marsada hata ima na marjanji marsuo di sada  kape.. Ima di kape ombikan...   Rumbuk rupana tahi dohot pokat songoni hata humata ni dagnaganak nadua.. ioban anak nami on ma jagar nimora ima tu bagas nami di alaman gunung barani.

Isi da mora nami ngada lupa hami marsapa tu daganak nadua simanjujung sanga aha makasud dohot tujuanna... Harana saleleng niarion sada anak nami do molo mulak... . rupa alai madung sahata sapokat bahaso alaion madung saroa nangkan mamolus adat matobang namangihutkon sunnah ni nabi.. namalolot ison ma au on ima ning gadis ni mora..

Hara niimada mora nami diharoro nami marangka anggi maranak boru manyuruk sendal ni mora diborngin niarion.. namandokonna  ulang agoan sapanjang undang..  Ulang agoan be di amak podomanna.. Sareto di pingggan pangananna.. bahaso jagar  nimora madung sahat dibagas nami...

Baen adong do antong ison sada dua kahanggi sanga anak boru.. ibana domada patama patupa obaron tu adopan ni mora nami
Tarhompas ma hata..

Botimada hata sian kami..

(Tambai homule obar obaron sian sudutan... hehee..)