JUANG NI SIMATOBANG

by : Jhoulechairy Voelunganz

Iabo ale amang inang simatobangku..!!
Manetek ilungku.. mangaligi rupomu..
Molo huingot baya maso najolo..
Sojungada ho baya mandokon loja..
Sojungada muse martamohok dirohamu
Asalna ma tarpasaut aha naami pangido
Sonang niroha nami do baya bahagiamu..

Molo usadari sannari dung adong pahompumu
Najolo diatia hita satiop giot   mangan
Jot jot do baya homu margabus tuhami...
Idokon amang dohot inang ma tuhami namadung butong bope nahurang sopu
Ampe nanga baya anso ulang hahurangan do diami  namangan..

Molo ami mangido hepeng..
Sojungada baya nacukup pangalehenmu
Uambang do baya i kikitmu
Hape namanyimpan do baen modal sikola nami
Anso ulang ami rasoi do rupa baya parkancitan namangolu...

Molo uligi pakeanmu..
Bahat do baya masuak marjait tangan
Inda jungada marsumarita dirohamu
Asalna ma ami marpakean najeges songon anak nihalak

Dung tarpasaut baya aha ami sinta sinta
Marrasoki mandapot hangoluan nadenggan.
Sojungada ho baya manuntut balos ni jasamu
Sonang ni pahompu mi muse doma bahagiamu..

Amang inang simatobangku
Horas jana torkis nian hangoluan di matobangmu
Ilehen ibana nia hatogosan nagogo anso laing dapot maramal ibadah
Laing dapot ho muse manian bahagia ni namangolu..

Amin...