AMANG SIPARAGAT

Oale amang inang haholongan..
Ligi mada sonjia boratna hangoluan di hita siparagat

Molo di potang niari..
Kehe ma au manangkok manuat tu dolokan..
Manjalahi bargot anso adong agaton..
Upanaek siga mangalante lante.. 
Soadong baya biar asalna ma nadapot ngiro ni bargot
Mulak borgin niari jot jot au amang inang tarsulandit marunggal unggal
Sobar do badan harani holong
Anso lalu mada daganak namarsikola

Digolap niari waktu subuh..
Marangkat musema manangkok manuat tu dolok
Manaek tuginjang mangalap tamburan ni ngiro
Anso adong pamasakon ni inangmu mambaen gulo

Dung amang inang targadis gulo bargot
Hepeng nai panabusi ni panganon dohot pakean muyu
Molo marlobi dipajopi ma deba anso adong tabungan bohal sikola muyu

Imada amang inang por niroha nami hamu marbisuk napistar
Ulang be amang inang ibaen namarsio sio namarsikola
Anso ulang irasoi hamube borat namangolu songon nairasoi ama ina..

Ampot incogot aduan on ipasaut tuhan tai aha nadisinta sinta muyu
Badan onpe madung matobang suada gogo
Da hami doma da amang inang dipasonang
Ulang nian amang inang baen hamu ami tobang tobang pajiar mangan somangan
Harani namarsitune tunean napature hami

Bege mada hamu amang inang...
Olos andung ni ama ina

Komentar

Posting Komentar

Postingan populer dari blog ini

PANTUN MANJALAHI BORU

Gambar
Molo mangaligi ligi ulang ligi tu toru Angkon liginondo sobinoto nacapot Molo si doli doli giot manjalahi boru Angkon obanon tu jakata do sodapot Molo mangaligi tu toru ligi do dalan Anggo mardalan totop bolus pinggir Molo manyapai boru dokon tu medan Jawaban tarimohon totop marpikir Anggo mangan parira buot nalamun Anso mantap dipangali dohot laklak Anggo sidimpuan ato  panyabungan Natotop ma sidoli doli on isuru mulak Jakarta.. Yessss...!! Medan.. berfikir Panyabungan.. sidimpuan... M ma jolo
Baca selengkapnya

MARADIAN DI SOPO SABA

Gambar
Dung lalu tu saba jae di hari minggu.. ayah ucok pasang taktik so ulang karejo.. Namilas ma ba dongan arion tie umak butet.. Manyiak milas nai..   Mosok do kulit niba da on anggo manambal gadu ni sabai..  Ning ayah ucok Imada abang e..  Aupe mabiar au cocang kulitku..  Radei mapak..  Iba nabaru marbadak dingin dope dohot badak bulung ni goring goring..  Ning umak butet sapandapot Olo..!!  Marmodom modom doma tagian on ita umak butet..  Ibus ibus angin.. Ioban ko do indahannta kan umak butet..??  Ning ayah ucok Uoban baya..  Mabiar dei au male abang..  Bope nangule pau dohot robung nataboan dei idaisan dohot lasiak asom..  Ning umak butet Imada..  Sopo najia do jita umak butet.. Napaling santai.. .?? Ning ayah ucok mangkehem main mata Hmm..  Sopo namardinding nalampasan majita ayah ucok...  (sambil manudu sopo nalampas dinding)  Bisa hita  isi santai margitik gitik bage..  Borgo isi..  Sinok modom..  ning umak butet uyom uyom ira namanyosak tusopoan.. laos abis ma ba cari
Baca selengkapnya

MANGKUHUR ARAMBIR

Gambar
Alla baya inang...!! Menek dope ho maisuru suru umakmu mangkuhur,  mambasu pinggan.. Nasantak mada umakmu tie inang..  Lalat lalat marfacebook lupa baya jabat mardahan.... Totop sabariba tangan i maniop hp inda malua sambil karejo.. Jo bagian... Tolong doba hambomon...!! Untung ma baya bisuk sibutet..  Malo mangkuhur arambir..  Anggo inda bolgang sajo maon gule.. Anggo sonon sajo umak butet ningroangku ramaon madabu talak gara gara ni facebook..  Aram tola..  Qiqijq
Baca selengkapnya